මොනවාද මේ දඩයක්කාර ප්‍රොෆයිල්? ඔයාලට එහෙම ප්‍රොෆයිල් එකකින් රික්වෙස්ට් එකක් ආවොත් අඳුන ගන්නෙ කොහොමද?
අපි මේ පෝස්ට් කෙල්ලන්ට විතරයි කියලා පටන් ගත්තාට මට නම් දැන් හිතෙනවා මේ දේවල් හැමෝටම අදාල වෙනව කියලා.... කොල්ලන්ටත් නරක කරදර සිද්ද වෙන ආරාධනා ඔය වගෙ ප‍්රෆයිල් වලින් ගලාගෙන එන බවකුයි අහන්න තියෙන්නෙ.
දැන් ඔය ගොල්ලෝ බලනවා ඇති අපි මේවා මේ තරමට කොහොමද දන්නේ. එක අයියා කෙනෙක් කමෙන්ට් එකක කියලා තිබුනා 'අපිට මේවා හැම එකම වෙලා ඇති අපි මේ තරම් ලස්සනට මේවා ලියන්නේ කියලා'
අපි ඇනෝලා තමයි. ඒත් අපි ඇනෝනිමස් වෙන්නට හිතුවේ අපි තවම ඉගෙන ගන්න පොඩි අය නිසා. එහෙම නැතුව මේවා අපිට වෙලා තියන නිසා නම් නෙවෙයි.
ආ තව දෙයක්. අපෙ විද්‍යාලෙ ඇතුලෙ අපි මේ ගැන කරුණු හොයන සී අයි ඩි (CID) එකක්. ඒකට හේතුව නම් පස්සෙ කියන්නම්. හැබැයි නරක අදහසින් නොවෙයි. ඉගෙනුම් සිදුවීමකටම තමයි... අපි අවුරුදු 2ක් තිස්සෙ මේ සමාජ විද්‍යා පර්යේෂණය කරගෙන ආවේ නිකම්ම නොවෙයි. කරුණු මහ ගොඩක් එකතු කරගෙන..
----------
කතාවෙන් කතාවෙන් අපෙ ටොපික් එක යට යනව... හරි.. ෆේක් ප්‍රොෆයිල්.(Fake Profiles)...
ෆේක් ප්‍රොෆයිල් කියන්නේ.... නමක් නැති ඒවා නෙවෙයි. නමක් ඇති හෝ නැති , ඒත් අරමුණ සමාජජාලගතවීමට එහා ගිය දේවල්.ඔන්න කිහිපයක්...
- අනෙක් අයව අපහසුතාවයට පත් කරන්න (පොඩ්ඩක් අපහසු හිතෙන , බොහෝ වෙලාවට සෙක්ස් සම්බන්ධ ප්‍රශ්න අහලා , එක්කො තමන්ගෙ පුද්ගලික තරහ කාර කම් පිරිමහගන්න ප්‍රසිද්දියෙ පුද්ගලයෙක් නෝන්ඩි කරලා)
- තමන්ගේ සැබෑ ආශාවල් එක්ක බය නැතුව සෙල්ලම් කරන්න ( ලිංගික ආශාවල් වෙන්න පුලුවන්.. වෙන ආශාවල් වෙන්න පුලුවන්)
- එහෙම නැතිනම් සැබෑ මුහුණ සඟවගෙන අදහස් පවසන්න (ඒක නම් අහිංසක වෙන්නත් පුලුවන්. භයානක වෙන්නත් පුලුවන්)
- වෙනත් අයුතු ප්‍රයෝජනයක් ගන්න හරි යොදාගන්න ප්‍රොෆයිල් (මුදල් ගසා කෑම් , නාඳුනන ගැහැණු ලමුන් තාවකාලික වින්දයනකට බිලි බා ගැනීම් වෙන්න පුලුවන්)
- ව්‍යාපාර අරමුණු (ඔයාල දන්නවද ගණිකා වෘත්තිය සඳහා තැරැව්කරුවන් , ගනුදෙනුකාරයින් හොයන්නත් සමාජ ජාල පාවිච්චි කරන බව?)
දැන් මෙතන ප්‍රතිචාර වලත් නොදන්න නම් තියනව . ඒවා ඔක්කොම මේ ෆේක් ගණයට අයිති නැතුව ඇති. හරිද?
ඔන්න ෆේක්(Fake) කියන ජාතිය අපි අඳුරගත්තා. දැන් බුදු සන්‍තෝ මේවායින් රික්වෙස් (requests) ආවම හොයාගන්නෙ කොහොමද? මෙන්න ටිප්ස් ටිකක්... මේ බොහොම ටිකයි. ඔයාලගෙ අත්දැකීමුත් එකතු කරන්න හරිද?
සාමානයයෙන් කෙල්ලෙක් තව කෙල්ලෙක්ගෙන් රික්වෙස් එකක් ආවම සැලකිල්ලෙන් බලනවා අඩුයි. අන්න ඒ වගෙ දේවල් පරිස්සම් වෙන්න. කොල්ලන්ට කියනවා නම් , කොල්ලෙක් කොල්ලෙක්ගෙ රික්වෙස්ට් එකක් ආවොත් සැලකිල්ලෙන් බලනවා අඩුද? (අදහස් කියන්න)
ප්‍රොෆයිල් ඇඩ් කරන්නට පෙර
- මුයුචුවල් ෆ්‍රෙන්ඩ්ස්ලා (Mutual Friends) දිහා බොහෝම පරීක්ෂාවෙන් බලන්න .ඒ මියුචුවල් ෆ්‍රෙන්ඩ්ස්ලා ගානෙන් වැඩි ගානක් ඔබ නොදන්න ප්‍රොෆයිල් නම් (ඒ කිව්වේ ඔබ කලින් එහෙම නොදන්නා ප්‍රොෆයිල් ඇඩ් කොට තිබෙනවා නම්) , ඔන්න පරිස්සමෙන්
- මියුචුවල් යාලුවන් නැති හරි එකක් දෙකක් හරි තියන නොදන්න ප්‍රොෆයිල් නම් ඇඩ් නොකරන තරමට ශරීරයට ගුණයි.
- ඇඩ් කරන්නට ඉස්සෙල්ලා එයාලගෙ ප්‍රොෆයිල් එකට ගිහින් බලන්න. ගෑනු නමෙන් තියන ෆේක් ප්‍රොෆයිල් වල ගොඩාක් වෙලාවට ෆොටෝස් බලන්න පුලුවන් පබ්ලික්. ඒවායෙ තියෙන්නෙ ඉතාම ලස්සන ගැහැනු ලමයින්ගේ (විවිධ) සහ නිකම් ඔහේ දාපු සාමාන්‍ය රූප ටිකක් විතරම නම්.. පරිස්සමෙන්..
- ඒවායේ වෝල් එක, ඉන්ටරස්ට්ස් එහෙම බලන්න. නිතර එතන කමෙන්ටු ලියලා එහෙම නැතිනම් ටිකක් ආයිත් පරිස්සමෙන්...
- සමහර නිර්නාමික ප්‍රොෆයිල් තියනවා , නිර්නාමිකව නමුත් කරන්නේ මොකක් හරි අදහස් පලකිරීමක්. කමෙන්ටු ලිවීමක්. ඒවගෙ දේවල්. මේවා දේශපාලනික හරි වෙන මොකක් හරි හේතු බය නැතුව කියන්න යොදාගන්න ඒවා... ඒවා ඇඩ් කලාට ඔයාලට ගොඩක් දුරට හානියක් වෙන එකක් නම් නෑ. එතන එයාලගෙ අරමුණ වෙනස් නිසා. ඒත් ඉතින් ඒ මතවාද තමන්ට හරි යනවනම් විතරක් ඇඩ් කරන එකයි හොඳ...
- ඉන්න ෆ්‍රෙන්ඩ්ස්ලා දිග ඇරලා බලන්න. ෆ්‍රෙන්ඩ්ස්ලාගෙන් 90%ක්ම ඇනෝම වගෙ පේනවනම් ( ඇනෝ වුනත් වෙන්න පුලුවනි) ඔන්න ප්‍රවේසමෙන්....
ඊලඟ දවසෙ මම ලියන්නෙ මේ දඩයක්කාර ප්‍රොෆයිල් ඇඩ් කිරීමෙන් වෙන්න පුලුවන් භයානක දේවල් ගැන.
(අපිට පහුගිය කාලෙ විභාගෙ... දැනුයි පොඩි බ්‍රේක් එකක් ලැබුනෙ. ඉතින් කමෙන්ට් වලට උත්තර ලියන්න වෙන්නෙ දැන්. ඒ ගැන තරහ නෑ නේද???)
