ස්ටේටස් අප්ඩේට් ලියන්නෙ බලාගෙනයි !

මේක ෆෙස් බුක් කතාවක්.
කෙ/ කො ල්ලන්ට කතාවක්...

එකසිය ගානට ස්ටේටස් අප්ඩේට් වලින් ආගිය , උන් හිටි හැම එකම , කොම්පීටරෙන්, ෆෝන් එකෙන් වමාරන ඕනෙ කෙනෙක්ට කියන කතාවක්.

ඕයික හරි අනතුරුදායක වැඩක්.  ඉන්න තැන් ආව වෙලාවල් , පිටත් වුනු වෙලාවල්, හිටිය තැන්... ඔය හැම දේම එලිදරව් කරලා නේද අපි දන්නෙවත් නැතුවම ?

ඔන්න කොල්ලනේ , කෙල්ලනේ බලාගෙනයි.  අපේ පුද්ගලික ජීවිතේ ඕනාවට වැඩියේ එලියට දාන්න එපා.

වුරු හරි අහයි , දැන් මම විල්පත්තු ට්‍රිප් එකක් යනවා. ඕක ෆේස්බුක් එකේ, ගූගල් එකේ දැම්මම වැරැද්ද මොකක්ද කියල. වැරැද්දක් නම් නෑ තමා. පවුල් පිටින් ගමන් යනකොට , හිස් ගෙවල් වලට පනින හොරු නූතන කාලෙ ෆේස් බුක් එකෙ බලාගෙන ඉන්නවද කවුද දන්නෙ ? 

නේද?

ඔන්න අද ලියුම කෙල්ලන්ටයි ,කොල්ලන්ටයි. කට්ටියටම  .... :-)

ෆිල්ම් බොක්ස් , චැට් බොක්ස් .. කෝකද හොඳ ?

කෙල්ලනේ...

අම්මෝ සතුටුයි... මැස්සො වහ වහා තිබුන බ්ලොග් ලෑල්ලට අඩු ගානෙ දෙන්නක් ෆලෝ කරන බව කියලා ගිහින්. ඒත් මැදැයි.

ඔන්න අද මේක ලියන්නෙ කෙල්ලො සෙට් එකෙ තුන්වෙනි එකී. ඒ වයසින්. කරන වැඩ වලින් තුන්වෙනි පන්තියෙ එහෙම නෙවේ හරිද ඔන්න.

චැට් බොක්සි හරහා ලවු කරන එකයි,  ‍ෆිල්ම් හෝල් වල බොක්ස් වල ලවු කරන එකයි දෙකේ තියන සමාන හා අසමානකම් ලියන්ඩයි අද ලෑස්ති වෙන්නෙ.

චැට් බොක්සි හරහා = චැට් ලවු
‍ෆිල්ම් බොක්ස් හරහා = ‍ෆිල්ම්  ලවු  කියලා දාගමුකො කියවන්ට ලේසියට එහෙනම්.

ඔබ චැට් බොක්සය හරහා මල් කඩනවා නම් , ශාරීරික හානි අඩුය. ඒත් ටයිප් කරන අකුරක් ගානේ තව කොහේ හරි ඉස්ටෝරු වෙන එකනම් මතක තියාගන්ඩ. ‍ෆිල්ම් බොක්සය හරහා නම් (මම ගිහින් නැතත්) ශාරිරික ලවු එක සිද්ද වෙනවානේ.

චැට් බොක්සිය අස්සේ ලියන පේලි, විඩියෝ එකෙන් පේන රූප , එතකොට කටහඬ අනික් එකාට ඔයාගෙන් අහන්නෙ නැතුව රෙකෝඩ් කරගන්ඩ , ස්ක්‍රීන් ශොට් ගසා ගන්ඩ උපරිම නිදහස තියෙන තැනකි. ‍ෆිල්ම් බොක්ස් එක නම්කාගෙත් ඇස් වහලා පැනල යන්ඩවත් පුලුවනි. සාක්කි අඩුයි.

චැට් බොක්සිය ඕනෙ වෙලාවක ඕපන් ෆෝ යූස්. ‍ෆිල්ම් නම් ඉතින් යන වෙලාවට විතරනෙ.

චැට් බොක්සිය හරහා , එකක් ඇත්තටම හිත හිතා අනෙකක් ටයිප් කරන්ඩ පුලුවනිය. ඒත් ‍ෆිල්ම් බොක්ස් එකකින් නම් එහෙම බැරුව ඇති නේ???? (සිනා සිනා)

චැට් බොක්සියෙන් එක පාර මල් දහයක් සමාන්තරව කඩා ගත හැකිය. ඔබ දක්ශ නම් , අනිකාට හවු වෙන්නෙ නැත. ‍ෆිල්ම් බොක්සියෙන් නම් එහෙම බෑනේ ඉතින් නේදැ ????? (සිනා සිනා)

චැට් බොක්සියෙන් නම් හැන්ගෙන්ඩ පුලුවන්, ඉන්විසිබල් කියයි. සයින් අවුට් කියයි. එක එක ඒවා... ඒත් ‍ෆිල්ම් බොක්සියෙ නම් දොර ඇරියොත් , හැන්ගෙංඩ පුලුවනිද???? (සිනා සිනා)

ඔන්න ඉතින් මට තෙරෙන්නැහෙ ලිව්වා.

කෙල්ලනේ (කොල්ලො ශුවර් මේක හොරෙන් කියවනවා) .... දැන් පේනව නේද බයානක කම ?

ඕකෙ ලවු කරන්ට කලින් .... හිතන්න එක වරක් නෙවේ සිය වරක්....

හෙට උදෙ වෙද්දි කොපි දාස් ගානක් හැදිලා ඔයාල කරපු එක රෑක මල් නෙලිල්ල :-) නේද??????

හිතේ අමාරුකම් ඇනෝලට කීමේ ආදීනව...

අපේ කොල්ලො හරිම දස්සියො හිත් අමාරුකම් ගස් බෙන වලට කියන්ට.

ඇයි මම මෙහෙම කියන්නෙ? මට එහා පැත්තෙ මේ වෙලාවෙ ගොර ඇද ඇද නිදියන මෝඩ කෙල්ලත් එහෙම කරලා ලෝක අමාරුවක වැටුන නිසා. 

චුට්ටිත්තක් කොල්ලා එක්ක වලියක් ඇදුනාහම, කොල්ල දාල ගියාම, එහෙම නැතිනම් අම්ම බැන්නම , අපිට හිතෙන්නෙ ලෝකෙ කවුරුත් අපිට නෑ. ඉතින් අර චැට් ලිස්ට් එක දාස් ගානක් වට කරාගෙන 'හායි හායි' කියන එක තනිකම මකා ගන්න අවස්තාවේ හිටන් ඇබ්බැහියක් දක්වාමත් ඇදෙනවා.

ඉතින් එයින් පස්සෙ ගස් බෙණ කියලා හිතාගෙන පණ තියන හරක් රැලකට දුක කියනවා.  තමුන් නමින් නොදන්න , තමුන් අඳුනන්නෙ නැති, තමුන්ගෙ පරිසරයෙ නොවෙන අය කියලා උපකල්පනය කරගෙන තමුන් දුක කියන්නෙ අල්ලපු ගෙදර ඉන්න අන්කල්ට වෙන්ඩ බැරිද? ඇනෝ එකවුන්ට් වලට තමුන්ගෙ ආත්මෙ පාවල දීල ඒව දිරව ගන්ඩ බැරි වෙලා අනාත වෙන කෙල්ලො, බ්ලැක්මේල් වෙන කෙල්ලො මම ඕනේ තරම් දැකල තියනවා.

ඔන්න කෙල්ලනේ, ඔය ඇනෝනිමස් කුරුල්ලෝ, හාවෝ, පූසෝ යනාදී එක එක සිවුපාවෝ , තමුන්ගෙ නම් ගම් ඔක්කොම හංගලා ඉද්දි , කෙල්ලනෙ උඹලා කරන්නේ උඹලගෙ ආත්මේම වමාරන එක. 

වැමෑරුව නම් ඉතින් ආයෙ අනුභව කරන්ඩ අමාරුයිනෙ. තේරෙනවනෙ.

ලිඛිත සාක්ෂි ඉතුරු කරන්ඩ එපා,පොඩ්ඩ එහා මෙහා වෙද්දි ඔය අහිංසක පූස් පැටවු භයානක යක්ෂයො වුනාම පාඩු වෙන්නෙ තමුන් වමාරපුවා ආයෙ ඇදල ගන්ට අමාරු නිසා කියල හිතට ගනිල්ලා.

කෙල්ලනේ පරිස්සමෙන්.... හිතේ අමාරුවක් තියෙනවනම් සමීප යෙහෙලියකට, දෙමව්පියන්ට, සහෝදරයෙකුට/ සහෝදරියෙකුට කියන්න.

විශෙෂයෙන්ම , රෑ මධ්‍යාහ්නයෙ 'මට තේරෙනවා නංගි ඔයාගෙ දුක' කියාගෙන එන ගැලවුම්කාර සර්ව සානුකම්පිත සෝශල් නෙට්වර්ක් එකවුන්ට්ස් වලට තමුන්ගෙ ඇතුලාන්තය වමාරන එකෙන් වලකින්න.